Johan Veenstra
Stellingwarver schriever en verteller

Mit et waeter veur de dokter uutverkocht

Plaetst op 24 april 2023.

De verhaelebundel Mit et waeter veur de dokter van Johan Veenstra is uutverkocht. Et boek kwam in jannewaori 2012 uut in een eerste drok van 1500 exemplaoren. In augustus 2014 kwam d’r een twiede drok van 750 exemplaoren. Sund die tied wo’n de oplaogen al kleinder en kleinder. En dat gaot gewoon zo deur. De room is veurgoed van de melk. Veural ok omdat et tal optredens van de schriever zo inkot is. De eerste drok wodde indertied drokt bi’j Banda in Et Vene, de twiede drok bi’j Printbase bv in Suntjehannesge. Omslag en vormgeving weren van Sijtze Veldema van Stilet Vormgeving in Dwingel. In et boek staon veertig verhaelen. Meerst humoristisch, mar d’r staon ok wel wat serieuze verhaelen in.