Wybrand de Geest

Vandemorgen he’k naor fysiosport west en daornao bin ‘k mit de trein naor Liwwadden gaon. Ik moet beslist wat treinkaorties opmaeken. Benjamin wi’jde nog ommeraek deur de straoten, stegen en gloppen van Liwwadden. In et resteraant van et Fries Museum he’k eerst wat drinken had en een tosti thús. Hiel lekker. Vervolgens he’k de tentoonstelling van de petretten van Wybrand de Geest (1592-1663/65) bekeken. Wybrand leerde in Utrecht et vak bi’j Abraham Bloemaert en maekte doe een grand tour van verscheiden jaoren deur Europa. Uuteindelik kwam hi’j weer naor zien geboortestad Liwwadden en wodde de schilder van de Friese elite. Wie ok mar wat veurstelde leut him deur Wybrand de Geest schilderen. De Friese Nassaus en de rest van de Friese aodel. Et bin prachtige petretten. Gao d’r mar henne te kieken. Hieronder een petret dat hi’j in 1635 schilderde van de Friese stadhoolder Ernst Casimir van Nassau-Dietz.