Weerribben

We bin vandaege lekker op stap en toch niet veer vot west. Dichtebi’j huus is et vanzels ok prachtig. We hebben een autotochien deur de Kop van Overiessel/Weerribben maekt. Eerst biwwe via Gieteren naor et mooie Dwasgrachte reden. Daor hewwe een kuier maekt en we hebben in resteraant De Otterskooi wat drinken mit gebak had. Vervolgens biwwe tussen de Wieden deur op Sunt Jaansklooster an gaon. Daor en in Heetveld weren de meensken al drok doende mit versierings anbrengen veur Keuningsdag. Via kleine weggies gongen we naor Blokziel en doe over de oolde zeediek en de Lendediek weer op huus an. Wat een mooi laand en wat bluuiden de bloemen overal mooi. Et ienige veurdiel van et koolde weer is dat die langer bluuien. We hebben vanaovend lekker eten had bi’j Van der Valk in Wolvege. Hieronder een foto die ‘k vandemiddag maekt hebbe in Dwasgrachte.