Weer thuus

Even een kot bericht. Ik bin weer thuus vanuut Goes. Gistermorgen biwwe om tien over negen votgaon. Ik kon lekker mit Ronny uut Et Vene mitrieden. Et was hier mooi weer en doe kwammen we midden in et laand in een langdurige sni’jbujje terechte. Et was hatstikke gries tussen Hilversum en Breda. Bi’j een bezinestesjon-kefé, noordelik van Breda, hewwe stopt en wat dronken en een brotien had. In Braobaant en Zeelaand was de zunne d’r volop bi’j en d’r was gien sni’j te bekennen. Om kwat veur iene wawwe bi’j Roelien in Goes. Daor hewwe heur verjaordag vierd. Behalven dat wi’j d’r tegere weren, kwammen Yvonne, Piet en Jannie en overbuurman Piet d’r ok even an. Dat was genoeglik. Gisteraovend he’k mit Roelien en Ronny uut eten west in brasserie De Bult in Goes. Op ‘e foto hieronder zit ik mit de beide vrouwluden bi’j de eterstaofel. We hadden alle drieje zalmfilet. Tot zoveer eerst mar even. Ik vertelle morgen wel veerder, mar wil now even rustig zitten te bekommen. Poes was zokrek trouwens vreselik bliede da’k d’r weer was.