Weer thuus

Ik bin weer thuus nao vuuf mooie daegen. Vandemorgen om tien ure bin we uut oons husien gaon en naor Heino reden. Daor hewwe et kesteel Het Nijenhuis bekeken en ok de beeldetuun die d’r bi’j heurt. Hiel mooi. Et kesteel is een onderdiel van Museum De Fundatie in Zwolle. We hebben daor ok wat drinken had mit wat lekkers d’r bi’j. Van Heino bin we naor et mooie Dalfsen reden. Krek as Ommen ligt Dalfsen an de Vecht. Op et terras van bistro Moetje an de Vecht hewwe luncht en nao et eten hewwe een kuier deur Dalfsen maekt. Van Dalfsen bin we naor Verhage in Luttelgeest reden. Daor hewwe alderhaande lekkers kocht. En doe hewwe vanaovend waarm eten had op et terras van Van der Valk in Emmeloord. Doe he’k Jelle naor Sneek brocht en van Gerda he’k nog een koppien drinken had. En doe bin ‘k weer op huus an gaon. Poes is niet bi’j huus. Mit dat mooie weer zal bi’j de bos wel in wezen. Hieronder twie foto’s van vandaege. Boven: kesteel Het Nijenhuis in Heino. Onder: de meule van Dalfsen.