Weer thuus

We bin vandemorgen tegen tienen uut oons huus in Exloo gaon en naor Musselkenaol reden. Daor hewwe wat drinken had mit een hiempien gebak op et terras van ’t Naobertie. Et maegien dat oons bediende zee jonges tegen oons. We bin gek op zokke vrouwluden! Laeter hewwe in Ni’j-Buun een brotien hamburger had in snackbar De Vijver. Vervolgens biwwe naor et keramiek- en glasmuseum Goedewaagen west. Een prachtig museum mit een protte mooi spul. Daor hewwe ok wat drinken had, want et was dustig weer. De temperetuur leup op naor 33 graoden. Van Ni’j-Buun biwwe naor Ni’jhooltpae reden. We weren even nao drie ure thuus. Poes was slimme bliede. We bin twie uren bi’j mi’j thuus west en doe biwwe naor resteraant De Stoof in Wolvege gaon te eten. Heerlik op et terras. Et was d’r trouwens drok. Et eten was heerlik. En doe he’k Jelle naor Gerda in Sneek brocht en daor he’k ok nog wat drinken had. En ja, doe bin ‘k naor huus gaon en now bin ‘k weer thuus nao een stokmennig prachtige daegen. Et spiet me dat et zo gauw veurbi’jgaon is. Hieronder een foto van et huus daor awwe mit groot genoegen een schoffien woond hebben. Oonze huurfietsen staon bi’j de deure.