Weer in Berkoop

Vandemorgen he’k een kollum schreven mit de titel Dokterswaacht. A’k een daarmofsluting anvulen komme, weet ik da’k naor et ziekenhuus moet en dat wet mien huusdokter ok. Mar ik hebbe ok nogal es te maeken mit dokters van de dokterswaacht. Et is me now twie keer overkommen dat die me niet naor et ziekenhuus sturen wollen. Ik mos de tied mar ofwaachten da’k weer naor de huusdokter kon. De laeste zee een goeie weke leden dat et bi’j mi’j van binnen lekker deurleup. Now, et leup om de dooie dood niet lekker deur. Ie bin mooi klaor mit zokke hampelmannen. Daor mag dan wel es een kollum over schreven wodden.

Ik hebbe vandemiddag weer in Berkoop op ‘e Eupen Stal west, mar vanzels niet de hiele middag. Ongeveer de helte van de tied, van kwat veur 2 tot kwat over 4. De rest van de tied zat Aukje Vries daor. En… ik hebbe drekt weer hatstikke goed verkocht! Ik gao d’r morgenmiddag weer veur de helte van de tied henne.