Weer an ’t boeken verkopen

Nao twie vri’je daegen bin ‘k now weer drok doende op Eupen Stal in Berkoop. Ik hebbe vandaege best verkocht, et was de beste verkoopdag tot now an toe. D’r kwam ok flink wat volk op ‘e lappen, et was vanzels ok ideaol Eupen Stal-weer. Morgen za’k d’r weer tegenan. Ik zal now aanst even naor de gruuntemark, hier in et dörp bi’j oons mfc. Hieronder nog een foto die ‘k vandemorgen maekt hebbe vanuut mien slaopkaemerraem. Een peer manluden weren an ’t dakpanneleggen op et ni’je huus dat schieve tegenover me daelezet wodt. Et was niet best as ik zok wark doen mos. Ik hebbe slimme hoogtevrees en durve kwaolik een klein leddertien op. Dat ik zol ongetwiefeld naor beneden kuitelen en et vermoedelik niet overleven.