We bin te plak

We hebben vandemiddag inderdaod luncht op et terras van Tante Pos en we hebben een kuier deur  et mooie Ommen maekt. Vervolgens een prachtige tocht over de Hoolterbarg naor Lochem. In Lochem hewwe eerst bosschoppen daon bi’j Albert Heijn. En doe biwwe naor oons husien reden waor Mylene oons opwaachtte. We bin now dus te plak in oons huus op vekaansiepark Bosrijk Ruighenrode. Hier zatten we vleden jaor ok, dat et vuult hiel vertrouwd. En de wifi kende oons nog. Et is hier 29 graoden, mar daor marken we in huus niks van. Et ligt onder de bomen in de bos en de auto staot dus ok in et schaad. Butendat hewwe elk een slaop- en badkaemer beneden in et huus. We hebben krek huspot had, lekkere winterkost! Morgen wodt et hier 36 graoden en woensdag 33 graoden. We hebben besleuten dawwe dan niet fietsen gaon. Ie moe’n et ongelok niet opzuken. Ik hebbe een alternetief kultureel pergramme bedocht. Hieronder een foto die ‘k maekt hebbe van de Vecht en de meule bi’j Ommen.