Wasbeurt auto

Jarmo het vandaege mien auto een goeie wasbeurt geven bi’j Frans Autoglans in Wolvege. Dat zodoende kan ik mit een hiele nette auto donderdag naor Zeelaand. Butendat het hi’j de boel van binnen ok schonemaekt. D’r hangt now een heerlike veurjaorslocht in de auto. We hebben lekker eten had bi’j sjefeursresteraant De Stoof an de oolde rieksweg. Et maegien dat oons bediende het een foto van oons maekt. Dat zat bi’j de pries in. Zie hieronder. We staon d’r mar kreers op! Daornao he’k nog een koppien drinken mit wat lekkers had bi’j Jarmo zien vader en moeder. Hi’j wol me ok nog mit hebben naor de paoskermis. Naor de schiettente, in de autoscooter, in een grote toolter en dan hoge in de locht henne-en-weer schommelen en ok nog in een ding en daj’ dan boven in de locht over de kop gongen. Ik hebbe wieselik veur zokke grapmaekeri’je bedaankt. Ik hadde alle eten d’r sebiet weer uutkoord. Ik hebbe me ien keer deur een kammeraod op et Vrijthof in Mestricht verleiden laoten en gao mit in zoe’n mal ding. Et kostte vuuf euro en we gongen mit schokken een aende de locht in. Van daor koj’ een schitterend gezicht over Mestricht hebben. Ik hebbe van begin tot aende de ogen stief dichtehullen en niks zien. Dat was ien keer en nooit weer!