Johan Veenstra
Stellingwarver schriever en verteller

VPPV

Plaetst op 15 november 2022.

De Nieuwtjesdienst VPPV het rejaol andacht besteded an de vellegies postzegels mit stadhoolder Frederik Hendrik d’r op die ‘k maeken laoten hebbe deur PostNL. Et is dit jaor 375 jaor leden dat Frederik Hendrik uut de tied raekte. De VPPV is de Verieninge Persoonlike Postzegel Verzaemelders. De bestellings kommen weer uut et hiele laand: Ni’jhooltpae, Et Vene, Den Dungen, Liempde, Huzen, Ittervoort, Boxmeer, Pijnacker, ‘s-Gravezaande, Numaansdörp… De vellegies bin ok te koop a’k argens op een mark stao mit (mien) boeken. Dat is van ’t jaor nog twie keer. Op 26 november stao ‘k op ‘e Wintermark in Mildam. Niet zoas gewoonlik in de grote zael van Hof van Schoterlaand. Daor doen ze dit jaor niet mit. Daoromme stao ik now in de pasteri’je van de Tsjongertsjerke, de vroegere geriffermeerde karke an de Schoterlaanseweg 72. Op 10 december stao ‘k op ‘e Kastmark in de karke van Scharpenzeel. Daor he’k nog niet eerder west. Misschien zie ‘k jim wel in ien van beide plakken!