Vloerklied

We maeken gien grote uutstappies op et ogenblik vanwege mien gevulige huud, die nog niet opknapt, mar we bin d’r vandaege wel even op uut west. Vleden weke zaggen we een mooi vloerklied veur mi’j in Drachten bi’j Carpetright. We hebben vandaege even bi’j Home Center in Wolvege keken. En doe biwwe weer naor Drachten gaon en hebben et bewuste vloerklied daor kocht. Et ligt now mooi te plak in de kaemer en now mar hopen dat poes d’r niet op spi’jen gaot en krek daor gien moes opvreten gaot. We hebben ok nog een flinke flut voegelvoer kocht bi’j Omah op ‘e Gediek en we hebben in de klerewinkel van Blaauw in Jubbege west. We hebben om vier ure eten bi’j de Koepelbos in Berkoop. Hieronder: overal bin de winkels op et ogenblik mooi versierd.