Vliegerige dag

Et was een vliegerige dag… Vandemorgen he’k naor fysiosport west. Ankem weke kan ik niet, dan zit ik argens in een hotel. Over twie weken gao ‘k zodoende twie keer: op maendag en vri’jdag. Nao fysiosport bin ‘k naor kapster Bertha in Et Vene gaon. Ik hadde een paosbrood veur heur mitneumen. We bin begonnen mit een koppien thee mit een plakkien paosbrood mit botter. Vervolgens het ze een ure doende west en maek me weer een klein betien toonber. Doe hewwe elk een koppien gruuntesoep mit ballegies had en een overheerlik boltien mit geitekeze en rookte zalm. Doe ‘k thuus was scheut me in de zin da’k ok nog naor de biebeltheek in Wolvege moeten hadde. Dat ik bin drekt mar weer in de auto stapt. Koehaffel da’k ok bin. Weer thuus bin ‘k sebiet in de stoel in de slaop valen. De leeftied begint te tellen… Mar ik bin d’r now weer bi’j! Hieronder nog een foto. Ik hebbe niet allienig rooie ammarillen, mar disse mooien bluuien op et ogenblik volop.