Veul heil en zegen

Et is me ok dit jaor weer niet lokt en lees elke weke een boek en dat moet aenlik wel. Vleden jaor he’k 41 boeken lezen, dit jaor 49. Ik komme dus wel in de buurt, dat ik perbere et ankem jaor weer. Et eerste boek da’k dit jaor lezen hebbe was De strijd van het geslacht Pälsson en et laeste Mevrouw mijn moeder van Yvonne Keuls.

Et jaor is haost veurbi’j en et was gewoon een rotjaor. We mierken een protte in dit laand, mar ie zullen as meens mar in Kiev of Cherson wonen. Dat is wel even wat aanders as Liwwadden of Ni’jhooltpae. Mar we kun as meensken ok  goed en gul wezen. Wat een hatstikke mooie aktie van de Liwwadder Kraante en et Dagblad van et Noorden veur Oekraïne. Tot middernaacht kan d’r geld overmaekt wodden. Doe dat! Help Oekraïne now. En ankem jaor ok asjeblief!

Ik zitte et oolde jaor zoas gebrukelik uut bi’j Haarm en Jacob in Et Vene en komme dan vannaacht om twie ure henne weer thuus. Pas op veur dat aekelike en geveerlike vuurwark. Dat mag wat mi’j anbelangt wel veur altied verbeuden wodden. Et brengt een protte ellende en de meensken kun de centen beter besteden, liekt me zo toe. Ik weens jim een goeie jaorwisseling en veul heil en zegen in et ni’je jaor!