Vesite

Ik hebbe vandaege een drokke dag had. Vandemorgen he’k een flut bosschoppen in huus haeld en mien jaorlikse jaordagskedogien bi’j de Welkoop weghaeld. Doe ‘k thuuskwam was poes hielemaole wild in de kop. Dat zal wel deur de wiend, et roezige weer, kommen. Hi’j steuf et huus deur, de trappe op en of, scheurde an et vloerklied en de kraante omme. Et is wat… Even veur vieren kwammen Marjan en Oene op theevesite. Ze nammen mooie bloemen veur me mit. Jessica kwam ok nog langes. Zi’j kwam me ien van heur foto’s anbrengen die een schoffien leden op ‘e tentoonstelling in Noordwoolde hongen hebben. Bi’j heur foto’s hadde ik heur teksten vertaeld in et Stellingwarfs. Een prachtige netuurfoto daor a’k hiel bliede mit bin. Tussen de bedrieven deur he’k ok nog verhaelen rippeteerd veur et optreden van morgenmiddag.