Vesite en fietsen

Vandemorgen het Jarina hier op vesite west. We hebben genoeglik bi’jpraot en ze het een boek van me liend. Ik kreeg ok nog een mooi keunstwark van heur van Leo Vogelenzang. Een inlieste foto, et liekt zuver wel wat gravureachtig, van de karke van Ni’jhooltpae. Nao et eten he’k een fietstochien van 38 kilemeter maekt. Ik bin bi’j de Kuunder langes naor de sluus bi’j et buurtschop Iegypte in Ni’jberkoop fietst. Zie de foto hieronder. Van daor bin ‘k over Berkoop, Buil, De Oosterstreek, Noordwoolde, Noordwoolde-Zuud en De Hoeve weer naor huus gaon. Et was nog altied heerlik fietsweer mit een temperetuur van ongeveer 23 graoden. Ik hebbe vandaege ok nog een kollum schreven over de zwat-witte troostpoes van Almelo daor a’k gister mit in de kunde kwam. Vandemorgen in et klad en doe ‘k weer thuus was nao de fietstocht he’k de boel uutwarkt en -tikt. Now liggen d’r weer wat kollums klaor en kan ‘k aanst rustig een dag of wat op vekaansie gaon