Vertellen mit Douwe

Vandemorgen las ik in de kraante dat Theo Koning uut de tied raekt is. Et joongien dat naost me zat in de vierde klasse van de ulo. Hi’j zol in juli tachtig wodden wezen. En zo gaot et mar deur…

De Verieninge Historie Appelsche bestaot 25 jaor, dat zodoende meugen kammeraod Douwe Kootstra en ik vandeweke op twie middaegen vertellen veur de leden van de HVA. Vandemiddag hewwe in de Hoolten Klinte verteld veur zestig meensken. Donderdagmiddag meugen we veur vuuftig leden vertellen. Et was een mooie middag. Ik hebbe verhaelen in et Stellingwarfs verteld en Douwe in et Fries. Gemienschoppelik hewwe een verhael van de Vlaamse schriever Louis Paul Boon verteld. Ik dee et eerste pat in et Stellingwarfs en Douwe et laeste pat in et Fries. Nao ofloop konnen we miteten: soep en bolties. Ik hebbe miteten, Douwe mos vanaovend argens naor toe. Donderdag eten we beidend mit nao ofloop. Hieronder nog een haastfoto van de Hoolten Klinte in Appelsche, et onderkommen van de HVA.