Vertellen in Workum

Vandemorgen he’k nog wat verhaelen rippeteerd en vandemiddag bin ‘k naor Workum west. Daor moch ik veur de oolderenbond vertellen in gebouw Oer de toer. Et ligt pal tegenover de prachtige Gertrudiskarke. Ik schatte zo dat d’r een veertig meensken weren. Et was een uterst genoeglike middag, ik hebbe lekker vertellen kund. In et schoft vertelde een man me dat hi’j in tal van karken in de Stellingwarven wel preekt hadde. Hi’j was dus doomnee en een dochter van him was dat ok wodden. Ik hebbe zegd dawwe dan half en half een betien kollega’s binnen. Beide verhaelevertellers. Allienig de verhaelen bin wat aanders. Ik hebbe ok een peer foto’s in de mooie stad Workum maekt aachter de Gertrudiskarke en an de haven. Zie hieronder. Op ‘e weerommereize naor huus he’k een antekende brief ophaeld bi’j et PostNL-punt in de winkel van Jarmo. De post hadde me zaoterdag niet thuus troffen en mien grafiekmaot Sergei Brehhov uut Tallinn (de heufdstad van Estlaand) stuurde me weer wat moois toe. Daor vertel ik laeter wel es over.