Vertellen in Bolsward

Vandemorgen he’k bi’j de dokter west veur et jaorlikse onderzuuk naor huudkankerplakkies. Et zag d’r wel goed uut, d’r is ien plakkien anstipt mit stikstof. De rest van de dag he’k iederkeer verhaelen rippeteerd veur et optreden van vanaovend. Ik hadde d’r wat meer muuite mit as aanders. Mit et oolder wodden zal me dit ongetwiefeld meer muuite kosten gaon, mar ik daenke niet da’k dit nog jaoren doen zal. Ik mag vanaovend verhaelen vertellen in It Heechhout in de mooie stad Bolsward. Ik hope dat et goed gaon zal en da’k niet stoeken blieven zal in een verhael. Dat is de jaoren deur altied et grote schrikbeeld west.