Verrassen en verwennen

Gisteraovend he’k naor de laeste twie dielen van de Finse tillevisieserie Helsinki syndrome keken. Wat was dat een mooie en spannende serie! En vandemiddag he’k zoas altied op eerste kastdag naor de toespraoke van de keuning keken. Hi’j het groot geliek: we zullen et echt mit mekaander doen moeten. Dat is de ienige meniere om alle perblemen tot een goed aende te brengen. En now laot ik me veerder vandaege verrassen en verwennen. Dat is me naemelik beloofd. Goeie vrunden zollen me mit uut eten nemen doe ‘k 75 jaor wodde. Deur die ellendige corona kon d’r doe van alles en nog wat niet deurgaon. Mar wat in et vat zit verzoert niet. Ik wor aanst van huus haeld en vanaovend weer thuusbrocht. We drinken eerst wat in Noordwoolde en dan nemen Harry, Frans en Jan me mit naor een resteraant in Dwingel. Daor zuwwe mit ’n vierend ongetwiefeld genoeglik en lekker eten. Ik laot me mit groot genoegen verrassen en verwennen!