Verjaordag

As d’r niks aanders west was ha’k vandaege naor de bi’jienkomst van de Alde Friezen in Jorwerd zuld en daor vanaovend ok eten, mar ik hadde wel wat aanders in de agenda staon. Ik bin vandemiddag in de dieze naor Et Vene reden om de verjaordag van Jacob mit te vieren. A’k et goed hebbe is hi’j 77 jaor wodden. Een mooi getal. Vandezoemer lag hi’j nog een peer keer in et ziekenhuus. Ik wete nog hiel goed dawwe op 29 juli mit de boot op et Jentsjemar veerden en da’k doe appkontakt mit Haarm hadde. De toestaand was doe hiel zorgelik. En now viert hi’j vandaege zien verjaordag en gaon Haarm en hi’j binnenkot een klein reisien naor Duutslaand maeken. Daor zullen ze op kastmarken te zette op allemachtig grote tippen Bratwurst mit klodders mosterd! Zo kan et dus gelokkig ok gaon. Et kan ok goed beteren!

Hieronder een foto van een boom op et karkhof van Ni’jhooltpae. Et mooiste is d’r now wel of, mar zo ston disse boom d’r vleden weke bi’j. De haast kan prachtig wezen!