Verhaelen rippeteren

Ik hebbe vandaege verhaelen rippeteerd veur een klein optreden van morgenmiddag in Haovelte. Dat gao ‘k dus wel doen, aandere dingen heb ik veur morgen ofzegd. Even wat gas weerommenemen. Et hoesten bekomt gelokkig. Vandemorgen het Jan uut Sneek hier west om een exemplaor op te haelen van mien laeste verhaelebundel Naozoemerlaand. Ik bin zels nog even naor de Stellingwarver Schrieversronte in Berkoop west om wat boeken veur de verkope op te haelen.

Een peer daegen leden kwam d’r een kaorte van Harry en Frans die ze me stuurden vanuut et Grunnings Museum in Grunningen. Op ‘e kaorte staot een ofbeelding van et schilderi’je van et karkien van Oostrum uut 1922 dat schilderd wodde deur Johan Dijkstra (1896-1978), ien van de schilders die ansleuten was bi’j De Ploeg.