Verhaelen en kollum

Ik doe nog een protte an et aende van et jaor. Ik hebbe alle 37 kotte verhaelen de laeste daegen nog es weer lezen die ‘k de laeste jaoren schreven hebbe. Ik vien ze allegeer nog hiel aorig en de muuite van et lezen weerd. Ik hebbe hier en daor nog wat kleine wiezigings en verbeterings anbrocht. Ze gaon wel vaeke over in wezen mar ien thema: de echtelike ongemakken en argernissen. Misschien moe’k ze toch es an mien leeskemmissie lezen laoten.

Vandaege he’k ok nog een kollum schreven. Now he’k wel weer een stokmennig klaorliggen. Ik las vandeweke in de kraante dat Trump him in wezen gedreegt zoas de Romeinse keizers in vroeger daegen. In Washington wodt een balzael bi’j et Witte Huus bouwd en Trump wil ok een Arc de Triomph hebben. Et is vanzels mar een kwessie van tied en dan moet d’r ok een Colosseum kommen zoas dat van Rome. En as jim  op schoele goed oplet hebben dan weten jim nog wel waor de Romeinse keizers heur daor indertied mit vermaekten. Et is een mooie mar gruwelike kollum wodden.