Verborgen in de sneeuw

Ik hebbe de literaire thriller Verborgen in de sneeuw van Viveca Sten lezen. Dat is een Zweedse bestsellerauteur. D’r bin al acht miljoen boeken van heur verkocht en heur boeken wo’n in 25 lanen uutgeven. Zoveer bin ik nog niet… Stel je toch es veur dat Et liek in de Lende in et Zweeds vertaeld wodden zol! Dat zol me wat wezen! Verborgen in de sneeuw is een mooi en spannend boek. Et gaot over Hanna Ahlander. De pelisie van Stockholm wil heur niet langer hebben en heur verkering mit Christian is uut. Diepe in de put gaot ze naor et Zweedse skioord van Are. Daor mag ze een schoffien in et huus van heur zuster wonen. En dan raekt daor een tienermaegien te zuke. Hanna komt in de kunde mit rechercheur Daniel Lindskog. Ze perberen om et maegien te vienen, mar dan komt d’r een sni’jstorm opzetten… Wat kun die Skandinavische schrievers toch prachtige thrillers schrieven. Ik bin d’r gek op!