Veldwerk

Ik hebbe et boek Veldwerk lezen en veural ok bekeken. Et is een prachtig uutvoerd boek mit 38 aquarellen van Christiaan Kuitwaard uut Berkoop die allemaole ankocht binnen deur Tresoar. Jan Kleefstra het daor hiele poëtische teksten bi’j schreven. Et gaot over oons laandschop en et verlös van biodiversiteit. Christiaan het op hiele bekende plakkies hier bi’j oons in de buurt zeten te schilderen. Zoas de Delleboersterheide, et Diakonievene, de Kuunder, de Stuttebos en op een protte plakken veerder Frieslaand in. Hiel mooi! Veerder staon d’r zestien bi’jdregen in van meensken die mit laandbouw en netuur te maeken hebben. Now ja, we weten allemaole dat et op ‘e kop verkeerd komt mit de netuur, dat d’r zowat gien weidevoegels meer over binnen. Et zal aanders moeten mit de laandbouw en de veehoolderi’je. Dat is een ding dat dudelik is.