Uutvanhuzer

Vandemorgen he’k op ‘e fiets naor fysiosport west in Wolvege en naor de brilleman. Ik moet een starker linkerglas in de brille hebben. De oftaekeling is in volle gang. Anke het intied et huus schonemaekt. Dat now kwam mien uutvanhuzer in een schoon huus terechte. Aachternichte Ria uut Papendrecht is hier. We zullen morgen tegere naor de opera. Ik was al haost ongerust, want et duurde mar en et duurde mar. Aanders ridt ze van Papendrecht naor Ni’jhooltpae in ietsien meer as twie uren. Now hadde ze deur alderhaande wegomleggings vier uren neudig. We hebben now krek waarm eten had in et resteraant bi’j de Driewegsluus. Hiel lekker. We bin beidend zo zat as een tieke.

Hieronder een mooie keunstkaorte die me deur Peter en Geertje toestuurd wodde vanof heur lievelingseilaand Terschelling.