Uutstel ziekenhuus

Vandaege mar een klein dagboekstokkien, want ik vule me een betien belabberd. Hoesterig en koorsig. Ik hadde vandemiddag beginnen zuld mit de veurbereidings veur et daarmonderzuuk in et ziekenhuus dat morgen wezen zol. Ik hebbe vandemorgen mit et ziekenhuus beld en ze willen me daor liever niet zien zolange a’k wat koorsig bin. Et daarmonderzuuk is now uutsteld tot over veertien daegen. Diezelde weke moe’k ok veur een scan naor et ziekenhuus. Jakkes nog an toe. Wat toch weer een gedoe allemaole.