Uut diketen

Kammeraod Douwe en ik hebben dezelde webmaster: Pieter. En die man voldot oons zo goed dawwe him omstebeurten jaorliks op een etentien trakteren. Vleden jaor het Douwe trakteerd in resteraant Old Dutch in De Westereen. Ik was van ’t jaor dus an bod, dat om half vufe kreeg ik beide manluden hier over de heerd. Douwe hadde veur poes wat honnebrokkies mitneumen, mar dat hoefde poes vanzels niet. We hebben hier eerst wat drinken had mit wat lekkers d’r bi’j. En doe bin ‘k mit die beide manluden uut diketen west in resteraant De Rustende Jaeger in Hooltpae. Et zat d’r vol eters. Zoas gebrukelik was et hiel lekker. Et was zodoende een slim genoeglike aovend. Veur mi’j vanzels wel een duraobele aovend, mar doe ‘k thuus kwam zag ik in een mail dat mien ABP-pensioen mit ingaank van jannewaori verhoogd wodt mit 3,03 percent. Dan klotst et geld hier aanst tegen de plinten op!