Urk (2)

Vandemorgen he’k eindelik es weer naor de mark in Wolvege west. Ik was daor de laeste tied niet an toekommen. Dat kan vanzels niet, want ik heure eerpels en gruunte bi’j Theo te kopen. Ik zag daor op ‘e mark een vrouw lopen mit een mondkappien veur. Butendeure ziej’ dat toch haost niet meer. In de winkels trouwens ok niet. Hieronder nog een foto van gister. In Museum Het Oude Raadhuis op Urk koj’ ok et interieur van een viskershusien bekieken. De bedstedeboel in de kaemer was daor krek as vroeger bi’j oons thuus. Een waand mit twie bedsteden mit een diggelkaaste d’r tussen en de kelder mit weckflessen d’r onder. En daor op Urk hongen ok rebatties (gedienegies) veur de bedsteden!