Twiedehaans boeken

Tiedens Eupen Stal in Berkoop he’k ok een protte twiedehaans boeken van mezels verkocht. Die kwammen uut kringloopwinkels en zo. Ik hebbe now weer tien twiedehaans boeken die d’r zowat nog as ni’j uutzien. D’r zit soms nog een plakkertien op van de winkel waor et boek kocht is of een plakkertien mit de oorspronkelike pries. Ze bin te koop veur mar 2,50 euro. Et gaot om de romans Een brogge van glas (2 ex.), Een vrouw van ivoor, Naachs goelen de honnen, Et geheim van de wiend en Vroeger is veurgoed veurbi’j (2 ex.). En de verhaelebundels Mit et waeter veur de dokter, Een meenske is gien eerpel en Stellingwarver Stiekelstokkies diel 3. As d’r liefhebbers binnen, heur ik dat wel. Vandaege is ien van de exemplaoren van Een brogge van glas verstuurd naor Paterswoolde.

D’r kwam vandaege een kaorte van Harry en Frans die op vekaansie binnen in Ouddorp. Harry schrift dat ze geweldig mooi weer hebben, dat ze fietsen en lezen en… wat lekkers bi’j de koffie kriegen!