Twents

Mit daank an Omroep MAX hadden we gisteraovend Nedersaksisch op ‘e tillevisie en zoks mag wat mi’j anbelangt wel es weer. Ik hebbe mit groot genoegen keken naor Zo doo wiejleu dat: Een eeuw Twente op film. Et alledaegse leven op et plattelaand en in de stad mit alderhaande tredisies en gewoonten. Hiel mooi was dus dat Johanna ter Steege oons alles in et Twents vertelde. De film was in et Nederlaans ondertiteld. Johanna ter Steege is een bekende aktrice en ik bin heur ien keer tegenkommen. Op 7 jannewaori 2000 en 9 meert 2001 moch ik mitdoen an een aovend van Twentaal in et Theaterhotel in Almelo. Op ien van die aovens dee Ter Steege ok mit. Een hiele aorige, gewone vrouw die doe ok prachtig Twents praotte. En in de zael tussen et pebliek zat Herman Finkers. Nao ofloop hewwe mit mekaander nog even bi’j mekaander zeten om nao te praoten.

Hieronder nog een foto van gistermiddag in de Sionskarke in Ooldeschoot. De veurstelling is krek oflopen en Grytsje Kingma en ik hebben ieder een mooie bos tulpen kregen.