Tuun

Vandemorgen hebben de beide tuunmannen de tuun weer hielemaole opredded. Et ligt d’r now allemaole weer hatstikke mooi bi’j. Butendat ha’k een belofspraoke mit ien van de chirurgen van et ziekenhuus Tjongerschaans. Hi’j infermeerde hoe et now mit me was nao mien verblief in et ziekenhuus. En daornao he’k naor Preensiesdag op ‘e tillevisie keken. Mooi dat et nao twie coronajaoren weer kon mit pebliek d’r bi’j. Et is een malle tied, mar ik hebbe begrepen dawwe toch wat minder veur gas en stroom hoeven te betaelen. Dat zol mooi wezen, want et zol veur een protte meensken aanders niet meer te bestuveren wezen. Ik hebbe de oolde wollen dekens van vroeger nooit votdaon, die kan ‘k altied nog om me henne doen a’k in huus zitte. En ik hebbe nog twie pieteromstellen, daor zo’k eventueel nog weer op koken kunnen. Mar de pietereulie zal ok wel duur wezen. Et is inderdaod een malle tied.