Ton Mulder

Gisteraovend wa’k in et gemientehuus van Wolvege. Nao de raodsvergeerdering wodde d’r ofscheid neumen van raodslid Ton Mulder, de fraktieveurzitter van Blijf Stellingwarfs, de perti’j die de Stellingwarver identiteit beweren wil. Ton het 22 jaor in de gemienteraod zeten. Dat is een groot schoft, hi’j was de nestor van de raod. Bi’j de laeste verkiezings kreeg zien perti’j drie zetels. Burgemeester André van de Nadort vertelde an et aende van zien toespraoke dat Ton deur de keuning benuumd is tot Lid in de Odder van Oranje Nassau en daor was Ton slim bliede mit. Nao et plechtige pat weren d’r happies en draankies. Lenus van der Broek maekte de beide foto’s die hieronder staon. Ton Mulder mit de burgemeester. En dan ok nog drie illustere manluden naost mekaander. Van links naor rechts: oold-burgemeester en ereburger Remco Heite, oold-burgemeester Gerard van Klaveren en ereburger Johan Veenstra.