Tom Thijsse

In et gebouw van de Stellingwarver Schrieversronte daor a’k de laeste weken zowat elke dag bin om boeken te verkopen, is een mooie tentoonstelling mit wark van grafikus Tom Thijsse uut Muden. Van him is de prachtige prente Last train to San Fernando daor ik een verhael bi’j schreven hebbe. Omda’k behalven veur de Schrieversronte ok van alles verkope veur de Stichting Nobilis van et Centrum veur Prentkeunst kree’k van Pieter as kedo et boek Tom Thijsse prentenmaker dat vlak veur de tentoonstelling uutkommen is. As daank veur al mien vrotteri’je. Hiel mooi. Ik hebbe et boek in de stille uurties van de Eupen Stal lezen en veural ok bekeken. Et was vandaege drok in Berkoop, dat was al veurspeld. Ik bin now krek ok nog even naor oonze dörpsmark west. Daor he’k zoas gebrukelik een bossien bloemen kocht en ok een ongetwiefeld lekkere hiempe appelgebak. Dat smikkel ik vanaovend lekker op. Ik vien da’k dat wel verdiend hebbe!