Terras

Wat is et vandaege heerlik veurjaorsweer! Ik bin vandemiddag mar weer op ‘e fiets stapt en now bin ‘k niet natregend. Ik bin naor Wolvege gaon, daor he’k wat bosschoppies daon, en doe bin ‘k bi’j de Lende langes weerommefietst. Onderwegens ree ik deur de heerlike locht van bluuiende meidoorns die over et fietspad uutwaaierde. Een weke leden ha’k in een half jaor niet fietst en now in iene weke meer as 150 kilemeter. Ik kan et dus nog wel! Onderwegens zag ik een man en een vrouw veur me fietsen en daor schrief ik (vermoedelik morgen) een kollum over. Thuus he’k de kotte broek antrokken en bin ‘k op et terras zitten gaon te lezen. In de bos naost huus roffelde een specht dat zowat dee. Poes Marja lag naost me en knipoogde wat naor me. Wat he’k een verlangst had naor dit weer!