Terborg

Ik hebbe et 27ste wat langere verhael naor Geertje en Jelle stuurd en ik hebbe de tiedinge van heur kregen dat ok dit verhael wel in een boek mit langere verhaelen kan en past. De titel van et verhael is Terborg. Et telt 2205 woorden, dat is ongeveer zes bladzieden in een boek. Et stattien Terborg in de Aachterhoek/Montferlaand is vanzels bekend deur et gedicht dat Staring indertied over de kermis van Terborg maekte. De vrouw in et verhael komt daor weg en het heur man indertied troffen op die kermis. Laeter kriegen ze een boerderi’je in de Stellingwarven, mar ze gaon ieder jaor nog naor de kermis in Terborg. En dan is heur man d’r niet meer. De auto is d’r nog wel, mar zi’j het gien riebewies. En ze wil zo graeg naor de kermis van Terborg…

De helte van de Eupen Stal zit d’r op. Et was vandaege weer drok en ik hebbe ok vandaege weer hiel goed verkocht. Dat leek d’r eerst trouwens niet op. Nao aanderhalf ure ha’k nog mar ien boek verkocht. Mar doe kwam et toch nog goed op gang!