Tango

Ik hebbe weer een verhael toevoegd an mien riegel mit wat langere verhaelen veur wat ooit een boek wodden moet. Jelle en Geertje hebben et lezen en d’r heur zegen an geven. Laeter gaot een grotere leeskemmissie alle verhaelen bekieken. Et verhael Tango speult in Sneek en et gaot over Marian en Sander. Op een dag rokt Marian in Sander zien kleren de parfum van Inge, de verkoopster die et langste bi’j heur warkt… Alle verhaelen in disse serie zitten om de twieduzend woorden henne. Tango telt 2296 woorden en is et op drie nao langste verhael. Et kotste verhael tot now an toe is Zeediek mit 1855 woorden, et langste Sheherazade mit 2678 woorden.

Ik hebbe vandemiddag et pepier veur nog een keer bloedprikken bi’j de dokterspraktiek in Wolvege ophaeld. Ik zal d’r weer een ofspraoke veur maeken. As die uutslag d’r ok is, za’k weer een gesprek mit de dokter hebben. Dat zal ankem weke vri’jdag wezen. De kommende vri’jdag begin ik weer mit fysio, ok in Wolvege.