Stellingwarver Aovend

De kommende vri’jdagaovend is in museum ’t Kiekhuus in Wolvege de Stellingwarver Verhaeleaovend 2026. De volgende schrievers/dichters/vertellers doen d’r an mit: Harmen Houtman, Roely Bakker, Johan Veenstra, Alie Stroeve en Menno Dolstra. Neffens de webstee van ’t Kiekhuus bin d’r gien kaorten meer beschikber en zit de boel daor vri’jdagaovend zo vol as een pottien mit pieren. Ik gao daor ien verhael vertellen: De vrouw van de burgemeester. Ik hebbe dat lange tied niet meer verteld, dat ik bin vandaege begonnen te rippeteren. En dat moet nog wel een keer of wat, want ik marke dat d’r wat zinnegies uut mien onthoolt raekt binnen.

Nog even weeromme naor gister… Hieronder een ofbeelding van et schilderi’je Túvalagardur, eulievarve op doek, van Sámal Joensen-Mikines da’k gister bekeken hebbe op ‘e tentoonstelling in Museum Belvédère in Oranjewoold.