Johan Veenstra
Stellingwarver schriever en verteller
Plaetst op 1 meert 2024.
Vandaege over een weke, op 8 meert, is d’r een Stellingwarfs-Friese literaire middag in de biebeltheek van Wolvege. De middag is van 14.30 ure tot 16.00 ure en zal verzorgd wodden deur de Friese schriever Douwe Kootstra en de Stellingwarver schriever Johan Veenstra. Dat bin ik dus. En dat allemaole naor anleiding van et uutkommen van Naozoemerlaand, mien dattigste boek. De beide schrievers zullen mekeer vraogen stellen, ze zullen uut eigen wark vertellen en een wried-erotisch verhael vertellen. De manluden bin in et zoolt bebeten. Ze hebben allebeide hiel vaeke optreden. De intree is vergees. De koppies koffie en thee kosten mar 50 centen. Dat bin zuver haost veuroorlogse priezen. Anmelden kan via www.bzof.nl