Steggerde

Zoas elke dag op et ogenblik he’k vandemorgen weer an ’t verbeteren en veraanderen west in et lange verhael Parredies da’k schreven hebbe. Dat gaot zo nog wel een schoffien deur, daenk ik zo. Ik moch vandemiddag verhaelen vertellen in ’t Anker in Steggerde, een gebouw naost de hervormde karke. Doe ‘k naor Steggerde toe ree was et nog mar 13,5 graoden, doe ‘k zokrek weer naor huus ree was et 17,5 graoden! Ik moch vertellen veur meensken van de Onofhaankelike Senioren en et was uterst genoeglik mit ok nog lekkere happies en draankies. Hieronder een foto die ‘k vandemiddag van de hervormde karke van Steggerde maekt hebbe.