Johan Veenstra
Stellingwarver schriever en verteller

Stamppotbuffet

Plaetst op 11 december 2022.

Et was gister een drokke dag. Naoda’k de hiele dag op ‘e kastmark in Scharpenzeel west hadde, bin ‘k gisteraovend naor et Centrum veur Prentkeunst van de Stichting Nobilis op ‘e Fochtel west. Daor was een stamppotbuffet veur bestuur en vri’jwilligers. Ik hebbe tot et veurjaor nog in et bestuur zeten en hebbe tiedens Eupen Stal in Berkoop behalven veur de Stellingwarver Schrieversronte ok van alles an de man brocht veur de Stichting Nobilis. Ik moch dus ok miteten. Eerst was d’r sop, doe een stamppotbuffet en dan ok nog een dessertbuffet. Heerlik! En nao et eten nog naopraoten mit een draankien! Et was al mit al barre gezellig! Gelokkig was et hielemaole niet mistig meer doe ‘k naor huus toe ree.
Vandemiddag bin ‘k uut aende zet mit et schrieven van de kast- en ni’jjaorskaorten. Tussen deĀ  bedrieven deur bin Harry en Frans hier even op vesite west, dat die hebben een peer bakkies drinken van me had. En we hebben vanzels genoeglik wat bi’jpraot.