Snikhiete

Ik bin vandemorgen  betied op ‘e fiets naor de woensdagsmark in Wolvege west en mit eerpels, witlof en manderijnen weerommekommen. Ik hebbe in de gauwighied ok nog een boek uut de biebeltheek haeld. De rest van de dag bin ‘k in huus bleven en hebbe wat lezen. Et is butendeure snikhiete en 33 graoden. In de woonkaemer is et 24 graoden. Daor is et dus nog wel uut te holen. Poes ligt laankuut op ‘e overloop. Ik hebbe nog wel een kollum schreven. Ik wodde benaoderd deur een man van een poletieke perti’j mit de vraoge a’k veur zien perti’j ok wat betekenen kon in verbaand mit de verkiezings in oktober. En now moe’k et krek rustigeran doen van de dokters. Mar d’r zit wel een kollum in zoe’n verzuuk. En veerder wi’k alle meensken bedaanken die me appies, mailties en kaorten stuurd hebben naor anleiding van et opnemen in et ziekenhuus. Ik stelle al die reakties slim op pries.