Sni’j

Et is alderaekelikst weer: een halve graod boven nul en de hiele middag vaalt d’r al wat lichte sni’j. Et kan dus vanaovend ok nog wel es wat glisterig wodden. Deur de sni’j henne bin ‘k zokrek thuuskommen vanuut Sneek. Kammeraod Jelle viert vandaege zien 77^ste verjaordag en dat hewwe vierd. Hi’j scharrelt zien leven laank al een goed jaor aachter mi’j an, ik vule zien hiete aosem bi’jtieden in de nekke. Mar ik hope dat hi’j me nog lange niet inhaelt. Ik blieve graeg nog een schoffien an de kop liggen. Ondaanks dat malle weer zit et veurjaor d’r toch echt an te kommen. In de tuun bluuien de sni’jklokkies en de toverhaezelneute staot d’r mooi geel bi’j.