Sneeuwwit

Ik hebbe de thriller Sneeuwwit van de Noorse schriever Samuel Bjork lezen. Een prachtig boek. In een butenwiek van Oslo wo’n in 2001 twie jonge jongen vermoord vunnen. Naost heur ligt een dooie, rooie vos. De zaeke liekt op een moord in Zweden die nooit oplost is. Holger Munch is et heufd van een ni’je onderzuuksienhied mit de alderbeste rechercheurs. En veerder krigt hi’j hulpe van een studente van de pelisieakedemie: Mia Krüger. Et wodt een goeie saemenwarking en de jacht op ‘e seriemoordener kan beginnen. Spannend van et begin tot et aende.

Vandemiddag zag ik op ‘e BBC de laeste tocht van Elizabeth II deur de straoten van Londen. Tussen tienduzenden meensken deur van Buckingham Palace naor Westminster Hall. En ik zag William en Harry lopen en mos automatisch weerommedaenken an 25 jaor leden. Doe leupen ze, as kiender nog, aachter heur moeder an deur de straoten van Londen, now as volwassen mannen aachter heur grootmoeder an. Daor zullen alle meensken wel an docht hebben. Ze hebben d’r zels grif ok an docht. Et was indrokwekkend om te zien.