Sjem

Vandemorgen he’k even naor de laeste streekmark van et seizoen in Berkoop west. Ik hebbe daor wat lekkers kocht: keze, hunning en wat flessies Sirop Rieme. Thuus he’k alle ammarillen in et pikkeduuster zet. Daor blieven ze staon tot ni’jjaorsdag. Dan hael ik ze weer veur ’t locht, kriegen ze ni’je grond en waeter en kun d’r weer knoppen inkommen. Ik hebbe vandemorgen ok nog an ’t sjemkoken west. Aanders maek ik jaors wel dattig potten sjem. Dat is van ’t jaor haost niks wodden. Ik hadde tot now an toe mar vier potties rooie beiesjem maekt. Mar eregister kree’k een fluttien peren van Jelle en daor he’k vier heerlike potten sjem van maekt. In de loop van de middag kree’k vesite van Harry en Dicky. Die weren even uut rieden in de auto en et was mooi dat ze een schoffien bi’j mi’j ankwammen.

Hieronder een kaorte die me toestuurd wodde deur Sieger en Geertje uut et Duutse Bernkastel-Kues. Ze kregen daor meleur mit de auto. Et liekt me verschrikkelik as je dat in et butenlaand overkomt. Op ‘e kaorte staot: Abendstimmung über der Mosel.