Schwarzwald

Marian is weeromme van vekaansie en dus he’k vandemiddag naor heur toe west veur fysio. Daor gao ‘k nog even mit deur. Ze wet percies de zere plakkies te vienen. Doe ‘k weer thuus was he’k een ontbijtkoeke bakt. Vleden weke he’k een ronde kokeskoeke bakt. Veur et eerst sund lange tied he’k dus es weer wat bakt.

Van Douwe en Romkje kwam d’r een kaorte van heur vekaansieadres in et Duutse Schwarzwald. Ze kuieren en lezen daor wat en zitten op een terras mit twie poezen. Wat wolst noch mear? schrift Douwe. Now, niks! De kaorte komt uut et Museum für neue Kunst in Freiburg. Te zien is een schilderi’je van August Macke en de titel is Strasse mit Kirche in Kandern (1911).