Schuldeisers

Gister was et hier in Ni’jhooltpae 24 graoden en vandaege is et 12 graoden. Wat een verschrikkelik groot verschil. Ik laote et wel en loop vandaege weer in de kotte broek omme. Anke het hier vandemorgen de raemen van binnen en van buten wusken. Dat wodde ok meer as tied, want ze weren gewoon slimme smerig. Mien moeder zee altied as ze de raemen wusken hadde: Now zien we de schuldeisers weer ankommen.  Ik hebbe gien schuldeisers, dat die zag ik ok niet ankommen. Mar ik zag Jan en Durkje d’r wel ankommen. Die brochten me een maand mit een al mooi bluuiende witte Spaanse margriet d’r in. Omda’k op heur fesien vleden weke een peer verhaelen verteld hebbe. Daor hoefde ik vanzels niks veur te hebben. We hebben genoeglik even bi’jpraot en die witte margriet staot now te pronke bi’j de veurdeure. Hiel arg mooi! Hieronder een foto van de laeste ammarille die ‘k in de bluui hebbe. Akem jaor hoop ik d’r weer 7 of liefst nog meer opni’j in de bluui te kriegen.