Schrieversronte

Ik bin vandemiddag bi’j de Kuunder langes naor Berkoop fietst veur de jaorvergeerdering van de Stellingwarver Schrieversronte. D’r weren een kleine dattig meensken. Nao et schoft wodden de plannen uut de doeken daon angaonde de verbouw van de oolde Veurschotbaank daor de Schrieversronte in zit. Alle komplementen veur et bestuur en kom mit zoe’n groot en groots plan. Mar d’r zal wel een hiele flut geld op et klied kommen moeten. D’r wodt zodoende ok wel et ien en aander van de leden verwaacht. Iederiene zal vraogd wodden om obligaosies te kopen. Om goed half vufe wa’k weer thuus. Ik zal vanaovend trouwens nog op ‘e daghure. Om half negen za’k bi’j de haven van Oostermeer wezen. Daor ma’k een klein ure vertellen veur botiesvolk. In wezen heur ik ok wel een betien bi’j et botiesvolk. Vleden jaor biwwe onderwegens naor et meertien De Leyen nog bi’j Oostermeer langesveerd.