Schrieven

Ik hebbe de laeste vier daegen een protte schreven. Eerstens he’k et verhael Stellingwarfs in Den Haag naor de redaktie van et Stellingwarver tiedschrift De Ovend stuurd. Dat verhael ha’k al eerder schreven en et is veur et feberwaorinommer. Ik hebbe een hiele lappe tekst schreven veur een projekt daor a’k laeter wat meer over vertellen zal. Alles he’k ok al uuttikt en et is mit mekaander acht A4-ties wodden. En dan he’k et wat langere verhael Rooie wolven schreven. Een schoffien leden he’k Kaspar schreven en now dit dus. Ze passen in de serie wat langere verhaelen van om de twieduzend woorden henne. Verhaelen dus zoas die in mien laeste bundel Naozoemerlaand staon. Kaspar telt 2155 woorden en Rooie wolven 1938 woorden. Ik zal beide verhaelen nog es een peer keer goed naokieken en dan stuur ik ze naor een mini-leesgroepien. Et volgende verhael in disse serie wodt Mombassa of Mombasa. Mar dat het de tied nog wel.