Ronermiddag

Vandemiddag he’k verhaelen verteld in resteraant De Pompstee in Roden veur de Ronermiddag van de Historische Verieninge Roon. Et was een hiele toer en kom in Roden. Et bleek dat de weg van Norg naor Roden ofsleuten was. Wat een ellende. Omda’k daor de sloepweggies niet kenne, he’k de bodden mar volgd en mar liefst twaelf kilemeter ommereden over Donderen. Ik gao gelokkig altied zat op ‘e tied vot. Om disse tied van ’t jaor bin ze overal mit de wegen doende. D’r weren vandemiddag een vuuftig meensken. Et vertellen gong goed. Eerst was d’r wat gedonder mit de mikrefoon, mar laeter was dat ok goed. Op ‘e weerommereize bin ‘k mar over Haulerwiek naor huus gaon. Daor weren gien wegomleidings. Die he’k straks wel weer, want ik zal aanst weer vot te vertellen. Ik zal naor Ooldemark en ie kun op ‘e Blesse niet over de Markeweg naor Blesdieke en Oodemark. Daor ligt de boel d’r ok uut. In resteraant Bij Sem ma’k vertellen veur de vri’jwilligers van de Keuninklike Iesverieninge Thialf uut Et Vene. Ik hebbe in de auto al een peer broggies opeten en doe now wat mailties en tillefoonties en dan naor Ooldemark!